مروة عبد المنعم: "نفسي أموت شهيدة ومحجبة"

فتحت الفنانة مروة عبد المنعم قلبها حول موضوع الحجاب، مؤكدة أنها كانت على وشك اتخاذ القرار بارتدائه في فترة سابقة، لكنها تراجعت خوفًا من أن تتخذه بدافع لحظة ضعف أو ضيق نفسي، ثم تخلعه لاحقًا.

وقالت مروة في تصريحات تلفزيونية: "أنا مؤمنة بفرضية الحجاب، وبتمنى أتحجب وأموت شهيدة وأنا لابسة الحجاب. بس لسه عندي رهبة من القرار، وخايفة أكون ضعيفة قدام اختبار من ربنا."

وأضافت: "في وقت كنت ناوية أتحجب، بس خفت أكون بعمل كده وأنا مكتئبة، وأرجع أندم، علشان كده قررت أستنى لحد ما أكون مستعدة بصدق أنا لو اتحجبت فعلاً، ممكن يجيني شغل أكتر، بس ربنا هيختبرني وأنا مش عايزة أفشل."

وأكدت الفنانة أن والدتها لا تتوقف عن الدعاء لها بالحجاب، وتؤمن بأن ابنتها طيبة وستدخل الجنة، لكنها تأمل أن تُكمل تلك الطيبة بارتداء الحجاب.

وعن الانتقادات التي طالتها، قالت مروة: "الناس دخلوني النار عشان مش محجبة، وده ظلم، أنا عارفة إني هتحاسب على الحجاب، بس كمان ربنا هيحاسبني على النية وعلى قلبي."

وكانت مروة قد أثارت الجدل سابقًا بقولها: "لما أنزل القبر هتسأل عن الصلاة مش الحجاب، وأنا مش كافرة علشان مش محجبة، إحنا فاهمين الدين غلط."

كما تحدثت عن علاقتها بالله قائلة: "أنا بكلم ربنا دايمًا وبقوله: نفسي أشتغل.. أنا عشت في بيت مفيهوش باب ولا سقف، وده خلاني أقرب منه أكتر."